MALTAZAM

Har bir ampula tarkibida:

faol modda: temir (III) gidroksid saxaroza kompleksi (temir (III) ga hisoblanganda) – 100 mg.

yordamchi moddalar: natriy gidroksid, inyeksiya uchun suv

Quyidagi hollarda temir tanqisligi holatlarini davolash:

— temirni tezda toʻldirish zarurati;

— temirning ogʻiz orqali qabul qilinadigan preparatlarini koʻtara olmaydigan yoki davolash rejimiga rioya qilmaydigan bemorlarda;

— ogʻiz orqali qabul qilinadigan preparatlar samarasiz boʻlgan faol yalligʻlanishli ichak kasalliklari mavjud boʻlganda;

— ogʻiz orqali qabul qilinadigan preparatlar kamroq samarali boʻlgan surunkali buyrak kasalligida.

Tanqislik tashxisi: Hb, zardob ferritini, TSAT, zardob temiri va h.k.

(Gemoglobin Hb, transferrinning toʻyinishi TSAT).

V/i. Maltazam faqat v/i – sekin oqim bilan yoki tomchilab, shuningdek dializ tizimining venoz qismiga yuboriladi – va m/i yuborish uchun moʻljallanmagan. Preparatning toʻliq terapevtik dozasini bir martada yuborish mumkin emas. Birinchi terapevtik dozani yuborishdan oldin test-dozani buyurish zarur. Agar kuzatuv davrida koʻtara olmaslik holatlari yuzaga kelsa, preparatni yuborishni darhol toʻxtatish kerak. Ampulani ochishdan oldin uni ehtimoliy choʻkma va shikastlanishlar mavjudligiga koʻzdan kechirish kerak. Faqat choʻkmasiz jigarrang eritmadan foydalanish mumkin.

Tomchilab yuborish: Arterial bosimning yaqqol pasayishi xavfini va eritmaning vena atrofi boʻshligʻiga tushish xavfini kamaytirish uchun Maltazamni tomchilab infuziya vaqtida yuborish afzalroq. Infuziyadan bevosita oldin Maltazamni 0,9% natriy xlorid eritmasi bilan 1:20 nisbatda suyultirish kerak, masalan – 1 ml (20 mg temir) 20 ml 0,9% natriy xlorid eritmasida. Olingan eritma quyidagi tezlikda yuboriladi: 100 mg temir – kamida 15 daqiqada; 200 mg temir – 30 daqiqa davomida; 300 mg temir – 1,5 soat davomida; 400 mg temir – 2,5 soat davomida; 500 mg temir – 3,5 soat davomida. 7 mg temir/kg ni tashkil etuvchi maksimal koʻtara oladigan bir martalik dozani yuborish, preparatning umumiy dozasidan qatʼi nazar, kamida 3,5 soat davomida amalga oshirilishi kerak.

Oqim bilan yuborish: Maltazam preparatini suyultirilmagan eritma koʻrinishida v/i sekin, daqiqasiga 1 ml Maltazam (20 mg temir) tezlikda (meʼyor) ham yuborish mumkin, yaʼni 5 ml Maltazam (100 mg temir) kamida 5 daqiqada yuboriladi. Maksimal hajm 1 inyeksiyada 10 ml Maltazam (200 mg temir) dan oshmasligi kerak.

Dializ tizimiga yuborish: Maltazamni v/i inyeksiya uchun bayon qilingan qoidalarga qatʼiy rioya qilgan holda bevosita dializ tizimining venoz qismiga yuborish mumkin.

Standart dozalash:

Kattalar va keksa bemorlar: gemoglobin darajasiga qarab haftasiga 1-3 marta 5 ml Maltazam (100 mg temir).

Bolalar: 3 yoshgacha boʻlgan bolalarda preparatni qoʻllash haqida faqat cheklangan maʼlumotlar mavjud. Qolgan yosh guruhlaridagi bolalar uchun tavsiya etilgan doza – gemoglobin darajasiga qarab haftasiga 1-3 marta tana vaznining har kg ga 0,15 ml (3 mg temir) dan koʻp emas.

Maksimal koʻtara oladigan bir martalik doza:

Kattalar va keksa bemorlar:

Oqim bilan yuborish uchun: 5 ml Maltazam (100 mg temir), yuborish davomiyligi kamida 5 daqiqa.

Tomchilab yuborish uchun: koʻrsatmalarga qarab bir martalik doza 500 mg temirga yetishi mumkin. Maksimal ruxsat etilgan bir martalik doza 7 mg/kg ni tashkil etadi va haftasiga 1 marta yuboriladi, lekin u 500 mg temirdan oshmasligi kerak. Preparatni yuborish vaqti va suyultirish usuli uchun yuqoriga qarang.